:quality(80)/public/tvbcom/article/images/202509/e997cfe1-d249-4970-9027-7181a30d3661.png)
九巴行錯路，搞到遲大到！有網友在社交網呻爆，指日前早上繁忙時段，因巴士司機行錯路，令他遲大到，他留言：「呢位司機未瞓醒？朗天路畀十幾架巴士爬路（頭），出欖隧行錯汀九橋，仲有行錯汀九咪去到深水埗先落公路，你要全車人青衣打圈係乜X？」涉事九巴為269X線，是周一至周五只有3班的特別班次，由天瑞前往佐敦(西九龍站)。樓主指已經預早了出門，惟想不到會遲到，「最緊要係我已經預咗好多時間坐0715頭車，正常082X就到旺角站，最終佢0845先到，結果俾佢搞到依家返學一樣遲到」。
網友議論紛紛，有人表示：「鬼叫而家唔夠人，唔識路都可以揸巴士，淨係操熟條線就得，一行錯路就乜差都唔識」、「除非有特別原因，如果唔係冇得到指示，巴士要行返指定路線」、「行汀九橋，經西九龍公路東京街出，上返西九龍走廊，差唔到2分鐘，點會去青衣轉圈圈」。
九巴回覆表示，昨日（9月11日） 約八時許，九巴一輛路線269X線巴士駛至青朗公路時，未有按原定路線駛往屯門公路及荃灣路。車長隨即改沿汀九橋、青衣西路及青荃路行駛，再返回原有路線，令行車時間稍為延長，但沿線車站未受影響。就事件對乘客造成不便，九巴表示歉意，並已訓示有關車長。
