巴黎奧運2024︱鄭衍峰成功採訪五大田徑女神　網友錯重點留意呢樣嘢？！

無綫巴黎特派專員鄭衍峰（Leonard）在巴黎奧運採訪表現出色，獲不少網友讚賞。昨日，Leonard在社交網上載採訪花絮照，他成功在田徑場上採訪了五位田徑女神，包括中國一百米欄女神 吳艷妮、被譽為巴黎奧運最性感運動員的Alica Schmidt🇱、荷蘭400米欄女神 Femke Bol、日本一百米欄女神田中佑美和烏克蘭跳高女神Yaroslava Mahuchikh，他留言：「每一位能夠登上奧運這個世界最頂尖既（嘅）大舞台，背後都付出了無窮無盡的血汗、努力、耐力，縱使唔係每位運動員都能夠爭取到獎牌，但係佢地個份鬥心都值得我地欣賞！」

Leonard分享採訪感受：「田徑訪問最難度高既（嘅）地方係需要耐性，現場有差唔多100間傳媒守候運動員，每次運動員比賽完都會盡力同每間傳媒做訪問，但係同時間佢地都要爭取時間休息準備來緊既（嘅）比賽，所以其實你等足45分鐘就到你，可能都會因為運動員需要休息而訪問落空，但呢個唔係唔等既（嘅）原因，呢個崗位就係要每一次都係默默地守候住，希望為大家訪問到來自世界各地不同既（嘅）運動員。」Leonard工作專業兼認真，但有網友錯點笑言：「你換左（咗）好多件衫喎！」