有「金牌司儀」美譽、2018年退休後甚少出現嘅何守信 新年期間原來低調返港，同一班多年好友包括「大姐明」 林建明 Meg Lam Kin Ming Victoria 等見面歡聚，年屆83嘅何守信一頭銀髮笑容如昔。
曾連續主持15屆香港小姐競選嘅何守信，早喺60年代末已加入無綫電視兼職任體育評述，後來更成為《歡樂今宵》台柱，直至1987年離職，司儀形象深入民心。
後來移居加拿大多倫多，至1992年一度回港擔任奧運主持，1994年再次返港加盟亞洲電視，擔任唔同主持同演出。2008年何B同 毛舜筠 黎耀祥 謝雪心 歐錦棠 等參與處境劇《畢打自己人》嘅演出，扮演「好玩吧」老闆「殷大德」，為觀眾帶來無數歡樂。直至2018年正式退休，之後重返加拿大安居。
