現年43歲的朱慧敏（Queenie）2004年參選港姐奪得亞軍兼「旅遊大使獎」，同屆冠軍為徐子珊，季軍為符思思。入行後朱慧敏於劇集《珠光寶氣》、《絕代商驕》、《蒲松齡》《愛·回家》等均有份演出。在「金牌媒人」林盛斌（Bob）的撮合下，朱慧敏與心臟科專科醫生陳良貴（Jason）喜結連理，於2021年1月幸福完婚，去年年尾二人更榮升父母誕下囡囡Shera，重6磅半母女平安。此後，Queenie沉浸於湊女樂中，經常在社交平台拍片或者開live紀錄囡囡成長趣事，收穫不少網民喜愛！
轉眼間寶貝女已經六個月大，朱慧敏前日（6日）於IG上載一條帶住娃娃遊車河短片並發文稱：「我嗰日帶娃娃遊車河，佢突然食手手，我話 「娃娃妳係咪肚餓呀？食手手唔飽架喎，我哋依家返屋企食奶奶喇 ！」然後，娃娃主動停咗啜手手，跟住就發明咗啜咀咀 ，哈哈。」見片中，Shera一如過往好有肉感，網民都被她啜咀咀的可愛表情瞬間融化，在帖下大派心心眼：「越睇越可愛！她的行為真係令人會心微笑。」非常治癒！還有人留言讚爸爸：「好得意呀，請問你哋係咪住喺跑馬地？有一日我喺返工期間咁啱有緣見到你老公喺萬寧幫sherara 買BB濕紙巾。」朱慧敏亦有回覆：「哈哈！多謝，我先生工作嘅醫院喺跑馬地！」
