吳嘉儀1件頭泳衣歎日光浴 「老公視角」曬澎湃身材勁搶眼 網民：熱上加熱！

33歲的阿七吳嘉儀2016年參演無綫處境劇《愛·回家之八時入席》飾演「王嘉莉」一角開始為人熟知，其後又成為綜藝節目《開心無敵獎門人》「獎老」之一收穫更多關注。去年8月吳嘉儀與圈外男友「豬仔」Leo拉埋天窗，幸福完婚。然而新婚不久，二人感情亮起紅燈，事關吳嘉儀在社交平台發文，自爆被老公反鎖家門外，接受訪問時她亦表示：「係有啲小風波嘅，有啲小爭執，可能我返咗自己屋企，有啲說話我自己又回應得唔好。之後我覺得自己冇錯，最後一啲好小嘅事就變咗好大件事。」雙方經過溝通後，幸而成功修補關係。吳嘉儀日前（21日）更趁機去沙灘遊玩，大派泳衣美照福利。

吳嘉儀寫道：「好陽光嘅日子一定要珍惜！舒服嘅下晝，可以望吓天望吓海曬日光浴，今日天氣都好好呀，離開間冷氣房，快d出去行吓啦！PS: 由細都大都好驚著1件頭泳衣，因為去廁所好麻煩！但今次店長推介ok喎，成功遮到部分肥肉。」

相中以一件式藍色泳衣亮相的吳嘉儀，大騷長腿及纖腰，Fit爆身材盡現！躺臥在沙灘上愜意曬日光浴，雖然她用樹葉特效遮擋胸前，不過傲人身材依然若隱若現，令網民忍不住大呼：「拎開塊樹葉！」、「勁呀！七」、「熱上加熱」、「突然好憎樹葉」等，認真有趣！