吳大強吳偉豪父子檔拍攝賀歲宣傳片 全家福一個細節反映吳偉豪與細佬感情甚佳

雖然Ricco與爸爸Bill哥哥父子檔演出，但二人這次卻並非飾演父子，Bill哥哥在宣傳片中的身份是影樓老闆，並提醒Ricco為自己與家人留下美好時刻的重要性：「一家人可以留番個美好回憶，到你第日睇番時又會有唔同嘅感受。」原來Bill哥哥本身亦十分重視全家福，11年前因有感一家人經常出入影樓拍廣告，於是乘機影了一張全家福；2年前，Bill哥哥有感大家近十年變化頗大，故與老婆及四名仔仔相約還原當年全家福，Bill哥哥說：「諗住同一個甫士擺番一樣，睇吓呢十年嘅變化。」值得留意的是，在兩張全家福中，Ricco與細佬十年前後都巧妙地分別穿上橫間式及格仔紋「兄弟裝」，盡顯心有靈犀一面。Bill哥哥續指當年影全家福相當大陣仗：「嗰時影張影樓相好大陣仗，但幾貴都會去影嘅，因為覺得必須要掛喺屋企咯。」

健談的Bill哥哥，談到與Ricco的難忘點滴時，竟揭出Ricco小時候曾於全家人外遊期間走失：「有次去內地旅行，好多人嘅，佢突然走失咗。我哋好驚，因為佢細個都受歡迎，好多人會抱佢，嗰時嗰幾分鐘個心真係非常焦急。後尾搵番佢時佢企喺度喊，嗰幕真係歷歷在目。」