姚焯菲唱《女神》有感 認曾介意外貌負評 因陌生路人一句說話改變諗法 舊年新西蘭生活照流出被慘批

姚焯菲（Chantel）近期參加《聲生不息‧大灣區季》後成功打開內地市場，又吸引新一批「小菲象」追隨。不過人紅是非多，藝人的形象及一舉一動都會被放大關注。Chantel昨晚（19日）在社交平台發長文指，在《女神》舞台出街之後，突然諗起自己曾經對外貌負評的介意，感恩有一位陌生路人的隨口一句讚美，令自己重拾信心。

全文如下：

「《女神》 出左街之後，我突然諗返起呢張相。 呢張相係新西蘭影嘅，然後果位fans post左上網。

轉個頭第二日一起身，我收到好多負面訊息、見到香港嘅articles 都係到講緊呢張相。我記得果朝仲要係放完假第一日返學，所以加埋呢啲新聞，心情特別差。

但係我好快諗返起影呢張相嘅同一日，著住同一件衫、素顏，我去左間餐廳。有一位陌生人媽媽突然走過黎同我講左聲 “you are so beautiful”。我個心暖左一暖，但係冇諗過呢句說話對第二日嘅自己會有幾重要。

重要嘅原因係我學識左 同一日 同一個樣可以有人話你靚 有人話你醜，呢啲評語已經唔需要在乎。反而唔好被呢啲評語動搖自己嘅自我價值先係最重要。

同埋唔好忘記呢個世界好多人會唔欣賞你，但係總有一個會。一個已經夠。」

希望每位女生也和Chantel一樣，都能勇敢自信地做自己。❤️