現年41歲的孫慧雪（雪雪）去年7月誕下二胎兒子，她曾透露自己在懷孕時體重高峰期達170多磅，擁44吋肚肚！為盡快回歸生產前Fit爆體態，近一年來雪雪堅持勤力做Gym及空中瑜伽，日前她更宣布自己體重已回落至120磅左右，成功搣甩50磅！
延伸閱讀：「索爆人母」孫慧雪曬鑽石Bra Top靚相瘦身成果 懷孕期間體重巔峰曾達170磅
雪雪近日為美胸公司拍攝新一輯廣告相，以多種造型和角度大曬豐滿上圍，她更分享自己最肥時和目前狀態的對比圖，透露自己由「全盛時期」的78kg，減至現在的55kg。她說：「記得生第一胎，成功減肥之後，好多人話第一胎實keep到，睇吓佢生第二胎都減到先講啦！結果陀第二胎，真係唔係食好多，都撼撼聲增磅！生完之後，腹直肌鬆咗，個肚勁大，年紀又大，真係好難減！咁到底係點減？其實點減，答案人人都知，最大嘅問題係你相唔相信自己減到，同埋有冇目標，有冇恆心，呢個先係最重要！」坐月後，她正式開始減肥之路，用五個月時間減肥成功，除了做運動和紮肚，她亦努力做胸部療程：「等自己唔好因為瘦得快，而減咗胸部或令胸部鬆弛！節食方面，其實我第一餐會食有澱粉質嘅食物，例如牛肉通粉，魚蛋米粉，或者雞扒飯，但係個飯就食少啲，到下午茶，會食香蕉，雞蛋，到咗夜晚，我就食蒸魚加碟菜，或者食啲肉+菜+水果！」結果成功瘦身不瘦胸！
昨日（15日），雪雪再度更新社交平台，她穿上瘦身前的牛仔褲拍照，見條褲寬鬆了近兩個拳頭大小那麼誇張！雪雪也興奮說道：「講真！！自己都從來冇諗過，竟然可以喺肉肉一歲前減咗50磅，好開心呀～～呢兩日整理衣櫃，好多衫可以唔要啦！」網民都大讚其好索，並紛紛留言求指教！
