恭喜！連詩雅愛女出世重5.9磅 老公陳家樂親剪臍帶曬眼濕濕抱B相：我覺得自己好唔負責任

恭喜恭喜！連詩雅（Shiga）同陳家樂的小公主Camila終於在昨日（18日）降臨人世啦！昨晚Shiga與家樂發布聯合貼文透露母女平安，女兒Camila重5.9磅，初為人父的家樂親剪臍帶後久久不能平復心情，抱著女兒爆喊！依家樂貼出抱B相可見，家樂眼紅紅，很明顯哭過，他在IG激動留言道：「我以為自己好唔緊張，可以好冷靜去安撫住太太生BB，諗左1000個笑話、500個爛gag，結果入到產房我係緊張到有種窒息感，一個都講唔出，唯一講到出口既只有一句I love you！其實呢段時間，我覺得自己好唔負責任，臨生前幾星期飛左去拍劇，一路都好擔心。但陳太真係好堅強，照顧好自己，仲做好晒準備功夫。BB今日平安出世，媽媽係最偉大。」

原本身在馬來西亞拍戲的陳家樂，昨日中午已迫不及待返港打點，準備與老婆迎接B女的來臨，他在回到家後的第一時間便為小公主砌床，並在IG限時動態貼圖：「趕得切返嚟砌床！」可見心情緊張又興奮！而Shiga昨日亦有在IG貼上臨盆前最後一輯大肚照，感性留言：「突然之間覺得時間過得好快，一開始懷孕嘅時候，希望時間快啲過，可以快啲見到阿女，同埋坦白講懷孕其實並唔係我想像中咁容易，每個周期都要面對身體唔同嘅變化，上網都見到好多人好似陀得好舒服，好自如，就覺得有啲氣餒，點解自己特別容易攰，好似好冇精力咁，好多嘢好想做，但係又真係欠缺呢個精力，有時又會覺得好無助，但係好感恩得到身邊好多人嘅支持，感受到好多嘅愛護，就會好快調節自己嘅情緒。」並指自己會永世記住這個過程。