前J2《不正常愛情研究所》主持文頌男（Koba）去年10月因確診患上罕見癌症「尤文氏肉瘤」而停工接受治療，大半年以來病情反覆，最近更需要留院觀察。文頌男的胞姐Hilary上月底在社交平台透露因為腫瘤擴散，Koba下半身已沒有知覺，身體狀況直轉急下。Koba亦有在社交平台發文透露病情︰「我依家喺醫院，短期內出唔到院，身體情况好差。」
延伸閱讀：J2主持文頌男親吐為抗癌成「無眉男」 身體狀況變差 網民鼓勵：仍然靚仔永遠撐你
前J2患癌主持文頌男慶29歲生日 友人祝明年平安過30歲 6字回應勁心酸
因為病況而暫時未能重回工作崗位，沒有收入但卻要負擔起大額醫療費，Koba亦不得已在IG發起眾籌。不少網民積極響應，並留言為文頌男送上打氣說話。不過昨日（3日）卻有一名曾捐款予他的網民責備他，事後亦被Koba轉貼在社交平台。該名網民指自己捐了4000元給他：「早知唔畀你、大嗱嗱4000元！你日日都無嘢做吧！你睡在家幹嗎？等死呀！」本就心情低落的Koba無奈回覆：「依家係等緊死啊...擴散咗又半癱瘓。咁你想我點樣？去返工？去拍嘢？（你估我唔想？）招募大家捐款我都寫得好清楚，用喺我生活同醫療上，亦都係希望大家隨心，想捐就捐，唔會強求、強迫。咁你捐完又唔想捐咁係點樣？我淨係可以講句多謝你...」
不少網友見到捐款者的辱罵都大為生氣，紛紛群起鬧爆，更留言鼓勵Koba：「呢啲人講嘢大過份，唔相信係出於一個人口中，根本就唔係人講嘅說話，你根本唔需要將佢講嘅嘢記喺心，依家病嗰個又唔係佢，佢當然唔明白你嘅心情同埋身體狀況，以前啲人話針唔拮到肉唔知痛就係咁解。我一直都覺得你已經做得好好，尤其係心態，你會好勇敢面對嘅。希望你病情逐漸好轉！」Koba則回應說：「我收到呢啲留言，都覺得好無力，我都覺得好...莫名奇妙！」
