李司棋險被網騙$2,000「手術費」《溏心風暴》大契上身 一句KO騙徒：邊個係人，邊個係鬼，我睇得出

近75歲的李司棋（司棋姐）息影後轉型做KOL，經常在IG分享多姿多彩的日常生活，深受網民喜愛。昨日（15日），她上載一條限時動態，自爆遭遇「網騙」！

依司棋姐Po出的WhatsApp聊天記錄截圖可見，有騙徒WhatsApp司棋姐，訛稱不小心過數過錯$2,000給她，並附上一張疑是過數截圖，稱：「真係過了，可吾（唔）可以過反（返）比（俾）我先，屋企人要比手術費。佢糖尿上眼，吾即刻做手術，即刻會盲！」

司棋姐非常智慧，第一時間識破騙徒，連番表示冇收到過$2,000，更謂：「即係有呢$2000就唔使盲？名副其實見錢開眼喎！糖尿好長手尾，真係會上眼，叫你位親戚戒口啦」而騙徒就索性指該位親屬就是自己的媽媽。

司棋姐也繼續「陪玩」：「係喎，你母親知唔知你做啲咁嘅嘢？我意思係過錯數！不過做個手術先$2000都幾抵，佢都可以唔戒口，有咩事咪做多次手術囉！」

騙徒知道遇到了高手，唯有不抱希望地、最後再問多一次「轉數了沒」，此時司棋姐突然《溏心風暴》大契上身，send錄音大鬧騙徒：「我睇人睇咗幾十年喇！邊個係人邊個係鬼我睇得出！想呃我？我呃大㗎！」成功擊退騙徒。不少網民留言大讚司棋姐「夠醒目」，也呼籲各位老人家遭遇此類事件時必須謹慎、謹慎、再謹慎！