林夏薇罕談閃嫁20億富豪老公決定 大方透露生B計劃：一定係負責任媽媽

林夏薇在台慶劇《黑色月光》首演反派卓慧雲奸到出汁，不少觀眾也大讚其演出。近日她接受電台訪問罕談2015年閃嫁年長16年的圈外金融才俊莫贊生的決定。

由於當時薇薇從未有公開拍拖，因此當她宣布結婚時不少人感到十分驚訝，她在訪問中自揭當年與莫贊生並非閃婚：「其實我係有正常拍拖，所以個個聽完都話我收得好密，主要因為我工作同生活係分得好開。」她指與對方拍拖兩年才結婚，本身就是家族好友，但就並非透過家人介紹。

談到她在圈中見盡不少型男帥哥，曾有否被圈中人所吸引，薇薇指從來沒有想過，全因一直為事業搏殺：「喺電視台一開頭我飾演啲角色，未話去到好多情感戲，當然我都要專業，拍戲當下就會投入，但拍完就會識得抽身。」

雖然2015年薇薇為事業努力搏殺，正值上位階段，她自言從不擔心突然宣布結婚會影響事業，因她一直來只想做演員並非明星：「演員就係盡最大努力去演好每個角色，咁當離開角色時我就係我自己，所以我就喺適當時候做適當嘅事，其他嘢冇諗太多。」

談到老公有何吸引其之處，她直言最欣賞他孝順，其處理問題的方式和思想成熟，又分享二人甜蜜相處方式：「我哋都好忙，佢終於搵到個仲忙過佢嘅人，我哋一直都好順利，同先生除咗係夫妻之外，亦都係亦師亦友，生意上佢又係我老師，而我喺做生意上係個新人，佢畀好多意見我，所以我哋相處得好好。」

她續說：「我哋就嚟結婚10年，覺得大家嗰種交流係思想同心靈上可以溝通到，會互相扶持同包容，令我哋咁多年仲可以保持新鮮感。」