梅艷芳胞兄梅啟明驚爆第三度結婚 欲趁梅姐生忌搞事遭梅媽砲轟 斷絕母子關係失聯兩年！

已故天后梅艷芳的胞兄梅啟明曾結過兩次婚，第二任馬來西亞老婆Joey小他16歲，兩人育有兒子Richard。2022年梅啟明被前妻踢爆婚內出軌，當時他寫悔過書表明與泰籍女友查頌美（May May）分手。之後又入稟控告傳記式電影《梅艷芳》侵權，事後梅媽正式登報與其脫離母子關係。豈料，梅啟明日前（6日）通知傳媒，將迎娶泰籍女友May May，並於本周四（10日，即梅艷芳的生忌）舉行記者會公布詳情。他還希望梅媽及侄子梅柏麟與自己聯絡，又透露梅媽恨娶新抱，曾送女友May May價值十幾萬的手鈪：「媽媽親手畀佢一隻好靚嘅手鈪」。

不過，大馬「前妻」Joey稱二人未辦離婚手續，如若對方再娶就是重婚：「佢下個星期開記者會？使唔使要我嚟幫手呀？講多兩句呀？」而梅媽好友《娛樂小奶媽》主持潘小文（7日）亦開直播回應此事，指梅媽不知道對方結婚：「事實上佢（梅媽）都唔想再見到呢個人（梅啟明），成件事我哋好可以肯定一樣嘢，呢條粉腸係趁梅姐10月10號生忌要搞事，Auntie知道咗好唔開心，好唔高興！」並表示：「梅生你可以慳啲，你老母唔會理你。」