楊卓娜深圳拍劇意外破相 眉角發炎腫脹 感染原因好離奇 堅持開工超勤力！

楊卓娜舊年底因在《黑色月光》中與親妹妹楊茜堯飾演兩姊妹而受到大量關注，其催淚演技更被視為今年《萬千星輝頒獎典禮2024》「最佳女配角」的大熱。前排在深圳開工，為新劇《夫妻的博弈》拍攝的她，上星期結束深圳戲份回到香港參加頒獎典禮記者會，但見她眉毛附近明顯有重重的傷疤，楊卓娜也透露了所為何事。

楊卓娜解釋：「我都唔知咩事，喺內地拍拍吓劇，突然間有朝起身化妝，見到我又腫又痕，有個窿凹咗落去。跟住返香港第一時間唔係睇醫生，因為太多嘢做，我搵咗啲藥酒，蚊叮蟲咬嗰啲搽一搽，搽完之後開始紅有啲痛，開始起水滋，然後開始穿，醫生話細菌感染得好緊要，眼呢啲位硬晒脹晒，脹到落眼肚下面。」之後，她又在IG發文報平安：「多謝大家關心，因為上星期喺深圳開工，可能俾昆蟲咬到, 眼眉有紅腫發炎嘅情況，已經睇咗醫生，康復中請不用擔心！」

昨日（16日），楊卓娜再次更新正在治療中的照片，她指晚上會堅持原定的直播和各項工作，相當敬業。