楊洛婷透露父親現時身體情況 大讚對方是最堅強勇敢的人：佢做過兩次心臟移植同一次腎臟移植

前港姐亞軍楊洛婷於2014年與樂隊Dear Jane主音黃天翱（Tim）結婚，兩人婚後育有一對仔女。

在1月1日的《2024年度叱咤樂壇流行榜頒獎典禮》，Dear Jane奪得組合金獎，Tim在台上表示因外父於加拿大入院，故太太急急飛返加拿大，並希望大家齊齊為太太的父親集氣。隨後，楊洛婷亦在網上晒出身在醫院照，見楊爸爸睡在床上，並透露現時父親的身體情況。

她發文指父親是其見過最堅強和勇敢的人：「最近有好多人問我點解我爸爸喺深切治療部，佢發生咗咩事。過去20多年來，佢經歷咗兩次心臟移植同一次腎臟移植，雖然佢服用嘅藥物可以防止排斥反應，但都令佢嘅免疫系統變得好脆弱，傷風或者咳嗽咁常見嘅病對佢嚟講都可能危險。」

楊洛婷績指最近一個月父親出現嚴重的呼吸困難，氧氣水平降得好低，對他的肺部造成咗永久性的損傷：「醫生做咗好多病毒測試，但都未能確診。而家，佢只能靠氧氣機來呼吸。醫生已經盡咗最大努力，而家就要睇佢自己能唔能夠克服呢一切。雖然面對咁多挑戰，我哋依然充滿希望。佢喺整個治療過程中展現出嘅力量同堅忍，令我相信佢一定可以戰勝呢個難關！」

她又感謝各位慰問和為其祈禱的朋友：「相信呢啲力量全部畀晒爸爸支持緊佢。」希望楊爸爸可以戰勝呢個難關，加油！！！