歌神許冠傑再踏紅館開演唱會 Gigi炎明熹、龍婷擔任嘉賓！

歌神 Sam Hui 許冠傑 將於三月底再踏紅館開騷，主打「最緊要好玩」嘅理念，今次Part2演唱會嘅嘉賓陣容豐富，包括有契女 梁詠琪 Gigi Leung Wing Kei、 Gigi炎明熹、 龍婷，阿Sam仲話平時有留意Gigi嘅表現，對佢嘅歌聲讚賞有加咁話。Sam仲預告哥哥許冠文同侄女許思維都會現身獻聲！
演出經驗無數嘅龍婷，呢日現身記招同歌神見面時即刻化身小粉絲，亦分享上次阿Sam演唱會時得獲贈歌神親手送嘅墨鏡。對於呢次可以擔任阿Sam演唱會嘅嘉賓，龍婷都覺得自己好幸運。