江嘉敏30歲生日曬浴照大露白滑美背 收花兼騷名牌袋疑蜜運中

江嘉敏（Kaman）上個月踏入30歲生日，日前迎來聖誕佳節，她在IG連環出Po，分享多張靚相，指今年的Boxing Day與生日禮物一齊拆。見Kaman穿上露肩短裙，拎住白色名牌手袋，分別在五星級酒店走廊及房間留影，又收到大大束桃紅色襯白心形玫瑰花、各類名牌及生日蛋糕，甜蜜留言道：「#今年收過最開心嘅禮物係咩啊 #年年都收到廁紙 #連埋生日禮物一齊拆 #呢間氣球店要咩都整到超勁 #超愛手上個Snoopy氣球花束」、「2024年的最後一個星期日，繼續專注的工作，勤力的吃飯，努力的減肥，好好的生活」。她更分享浸浴視頻，大露白滑美背，性感指數爆燈！

Kaman前年與拍拖3年的電競公司高層男友Anthony分手，當時她在社交平台連環出Po，指自己半月未出過家門，極度傷心。如今，Anthony與新女友在聖誕節同日高調放閃，而Kaman自去年起頻頻曬收花相，又經常騷名牌手袋，因而被指也已經行緊新蜜運！有傳她與撻着醫學美容集團創辦人兼家庭醫生陳正寧，但Kaman其後就澄清雙方只是朋友關係。