港姐冠軍莊子璇孖葉蒨文澳門賞煙花迎春 跳唱造型獲網民激讚

港姐冠軍莊子璇（Hilary）與無綫處境劇《愛·回家之開心速遞》中的小花葉蒨文（Sophie），今年獲邀首度參與澳門花車巡遊擔任表演嘉賓，有中國舞12級舞蹈功底的葉蒨文大騷跳唱之餘，亦欣賞美麗煙花迎新春。二人日前紛紛在IG晒出當晚靚相，俘虜大批網民！

Hilary分享道：「我好少睇煙花，因為我覺得好多人而且唔明白有咩好睇😂但原來做完嘢睇，又別有一番風味。」依相可見，兩人開心對鏡甜笑，身後煙花綻放，雖然光線較暗，也難掩精緻五官與白皙肌膚。而從另一輯相可見，Hilary身穿紅色露肩上衣搭配黑色短裙，大騷纖腰細腿。網民看完都對她這套造型有讚冇彈：「太辣啦」、「好靚女」、「又型又靚」等。