胡定欣提早開生日派對 忍淚聽Fans分享 直指一事超出想像

視后胡定欣將於9月9日生日，一向寵粉的她，為免影響需要準備開學的Fans，每年都會於8月中提早跟Fans Club一齊慶祝生日，而在日前舉行的生日會中，她就跟Fans玩遊戲和唱歌，氣氛熱烈。

之後她於社交平台分享生日會當天的照片，並發長文感謝Fans的支持：「今年已經係第N次辦Fans Club生日會，確實我對生日會嘅感受有所不同，重點唔係我生日，而係一個朋友/家庭聚會，因為你哋大部分支持我10年以上，你哋寫俾我嘅信同心意卡入面都會提到你哋由小學中學到大學，甚至乎今日已經出嚟社會工作，一直支持我至今」她更笑言：「這幾年的信入邊，睇到最多英文字，不是Support You，不是I love you，而係 DSE 」

定欣感觸地指，當她聽到Fans說：「每當你哋感到沮喪，每當你哋遇到想放棄，每當你哋諗唔通，你哋會諗起我，我嘅工作演出，我嘅人生態度，我同你哋講過嘅每一句鼓勵說話，我哋一齊經歷過嘅每一個moment，都成為咗你哋嘅精神支柱，你哋撐落去嘅動力」她覺得Fans比她更叻、做得更好，已經做得好好，直言：「能夠成為你哋嘅精神支柱，真的真的係我嘅福氣」

定欣透露在生日會中，當Fans分享她對大家影響有幾深時，定欣的內心其實很感動，而且要忍着眼淚去聽，她表示：「因為當中那份影響遠遠超出我想像」她又表示：「多謝你哋！多謝你哋支持我！多謝你哋俾我支持你哋！大家一齊努力！祝願你哋每一位身體健康，開開心心，BE TRUE」

不少粉絲都有下留言回覆：「原來有啲嘢真係雙向的」、「千言萬語還是不及一句謝謝您」、「繼續一起成長、一起行得更遠」、「能夠遇上您才是我們的福氣」