葉蒨文親揭與6年男友分手原因 透露對象不需高富帥：只需符合一條件

《女神配對計劃》報名正式開始啦！https://bit.ly/4hWrFxg

葉蒨文 (Sophie)近日參加TVB全新戀愛綜藝真人騷《女神配對計劃》（暫名），Sophie透露與拍拖6年的男友分手，現時單身8個月，更笑言現時有追求者但未有看中。

不過Sophie參選此節目的消息傳出後，有網民質疑她扮單身，對此她接受TVB.com訪問澄清現時的確單身，更親透與男友分手原因：「我同前任喺相處上出現咗問題，而呢個問題係出現咗好耐，我哋都協調咗一段時間，自己都試咗唔同方法，好努力經營呢段關係，但最後都係覺得唔適合，我就決定分開。」

Sophie直言前度有作出挽留：「但係我決定咗嘅嘢就會做，既然大家之間個問題解決唔到，咁不如分開，我性格好決絕，絕對唔會拖泥帶水，因為對雙方都唔好。」

她續指好友邵初見證其分手過程：「我都知網上嘅留言一定有好同唔好，所以都冇特別解釋。」

Sophie又指全因單親家庭長大，一直渴望家庭溫暖，故認為另一半顧家為最重要：「除咗成長環境，我之前喺英國讀書，當時讀書嘅同學好多都係富二代同埋佢哋屋企人都係做生意，所以我覺得佢哋做事比較有野心，唔係好適合我，我係比較着重性格方面，另一半條件唔需要富裕，只要有責任感同埋照顧到我，令我可以有依靠就可以。」

延伸閱讀：
女神配對計劃｜葉蒨文背景資料大起底 自揭矛盾戀愛面