薛家燕新年舉家赴日本旅行 嫲孫合照表情「神同步」 親揭目的地選擇有特別原因

2021年5月孫仔Julian出世，薛家燕（家燕姐）正式榮升做嫲嫲。不經不覺，孫仔已經三歲多，與家人關係非常要好的家燕姐，趁新年期間舉家飛去日本旅行！

家燕姐於元宵節（12日）在IGPo出旅行相，並分享：「忙碌咗好幾個月，終於有時間放個大假，新年期間同屋企人一齊去旅行！」相中可見，家燕姐與孫仔在富士山下留影，嫲孫倆都笑到四萬咁口，表情「神同步」，畫面好溫馨！

向來非常錫孫的家燕姐更透露今次選擇日本為目的地， 原來都是為了滿足孫仔Julian的心願：「Julian對日本情有獨鍾，所以今次聽佢意見，揀咗日本做目的地，有人話見到清晰嘅富士山，係一件好難得、好幸運嘅事，我哋都總算喺新年年初就行個大運，富士山真係好靚、好壯觀，我都忍唔住不停打卡呀！」有愛的家庭氛圍令不少網民稱羨，亦有人大讚家燕姐狀態大勇：「家燕人比山嬌」，陸浩明留言：「家燕姐妳同富士山都好靚」。