譚俊彥7歲仔轉新髮型 靚仔樣與爸爸十足餅印 獲讚「迷你版譚俊彥」 遺傳大俠氣場！

現年44歲的無綫視帝譚俊彥（Shaun）出名顧家，非常疼錫老婆和一對仔女，經常在社交平台分享一家四口的溫馨相片。阿Shaun在3年前奪得視帝時，曾於台上多謝父母和太太，高呼：「老婆你係我嘅全部」，這一幕相信不少觀眾仍印象深刻，至今亦是佳話。

日前（22日），阿Shaun在IG分享7歲孻仔的最新照片，依相片可見，囝囝譚杺當時正身處髮型屋，髮型師剛剛為他剪了一個全新的型仔髮型，他側側頭、翹起雙手擺出一副cool爆樣，頗有爸爸和爺爺的大俠氣場！譚杺的新髮型獲網民在帖上留言大讚靚仔，更稱其十足十「迷你版譚俊彥」：「似嗲哋咁靚仔」、「無論神態同樣貌都似足爹哋好靚仔」，而陳山聰與陳敏之也表示：「handsome boy」、「Handsome like baba 」。