關嘉敏自爆因一事嚇怕身邊男士 渴望找到適合另一半：接受到我全部嘅人

《女神配對計劃》報名正式開始啦！
https://bit.ly/4hWrFxg

關嘉敏（Carman）近日參加TVB全新戀愛綜藝真人騷《女神配對計劃》（暫名），引起網民關注！

Carman接受TVB.com訪問自言一直也想參加戀綜節目，期待與不認識的人到認識後會有火花，又指因去年扮得太多次男人關係而嚇怕身邊男士：「因為我性格爽朗，好容易同男仔Friendzone咗，同埋啲人依家見到我就諗起我扮男人嘅樣，所以希望參加呢個節目，令佢哋感受到我女性嘅一面。」

現時單身了3年的Carman，自稱不是戀愛腦而是事業腦：「我好鍾意工作，當唔使工作嘅時候又會將啲時間學嘢，加上我哋呢行工作日夜癲倒，時間唔穩定，所以很怕另一半會接受唔到呢點。」

她續指望找到一個真正適合自己的另一半：「我之前嘅戀愛經歷都唔係好開心，都未搵到一個可接受到我所有嘢嘅人，所以我諗真係要好愛我先可以接受到我全部嘅人。（父母有否催拍拖？）佢哋成日催我，驚我嫁唔出 ，但自己都唔會心急，搵到真係適合嘅人先會開始。」

Carman自言有追求者，惟因工作太忙關係，沒有時間相處了解：「參加呢個節目幾好，既可以工作，又可以識到新朋友了解。」

延伸閱讀：女神配對計劃｜關嘉敏「扮嘢女神」戀愛背景資料公開 自揭對「脆弱男」有強烈保護欲