陳凱琳爆老公有生B女衝動？ 鄭嘉穎IG親回5字留懸念 網民：心動不如…

陳凱琳（Grace）與鄭嘉穎向來是圈中一對模範夫妻，由拍拖至2018年結婚，二人四年抱三，誕下三個可愛兼帥氣的囝囝，一家五口溫馨幸福！今年是他們結婚第六年，夫妻倆依然十分恩愛羨煞旁人！上月迎接33歲生日的Grace，還同老公拍住拖去到雲南過二人世界，認真好Sweet！雖然在去年誕下細仔後就宣布封肚，不過Grace日前（16日）在社交平台突然大爆老公有追女想法，引起網民熱討。

Grace上載一條廣告及花絮照，片中見她與一男一女兩位小朋友有趣互動，母愛大爆發，Grace還揭老公鄭嘉穎看完這條廣告後的真實反應：「我老公睇完呢條片問我：真係唔生番個女？其實無論仔同女我都一樣玩得勁開心！有時仲過分癲咗，我相信呢個世界有好多唔同類型嘅父母，不過大家有個共通點：都好着緊小朋友！所以我好開心係今次嘅拍攝，雖然係一條廣告片，但係好有意義：我哋要愛惜同守護我哋身邊嘅小寶寶，陪住佢哋行每一步，睇住佢哋成長，希望大家都可以抱住呢個心，今晚臨瞓前記得同小朋友講：你知道唔知道，有人着緊你。」

網民對於兩人的囡囡表示非常期待，紛紛留言：「講下講下就係架啦，心動不如行動」、「真係好想你哋生女，肯定好靚」、「生多個就一枱麻雀」、還有人笑問：「有無答佢，咁如果第四個都係仔？」鄭嘉穎本尊則留言：「都係講吓啫」，Grace回覆道：「我知我知」。