陳嘉慧激罕晒女兒正面照 開心回顧2024年育兒之路：呢一切都好值得

小花陳嘉慧在2023年10月無預警地宣布與圈外富貴男友Calvin閃婚，2個月後宣布懷孕喜訊，去年3月宣布女兒出世，一家三口溫馨美滿。

踏入新一年，嘉慧亦作出2024年的回顧，更分享多張女兒與老公的照片，相信最令她開心的是成為新手媽媽。

當中嘉慧更罕晒囡囡正面照，見女兒非常有肉地，而且很喜歡笑，相當可愛，她更發文：「2024年最後一天✨💕 雖然最後一日竟然大家都病咗😷但係回望返呢一年真係過得好快💨咻～一聲咁就過咗一年。」

她又指育兒之路絕不簡單：「成為咗媽媽之後，身上嘅責任多咗好多，令我不得不放棄好多嘢，但係呢一切都好值得！每一日見住BB嘅成長，佢嘅笑容，真係可以令人忘記疲勞💕🥰 覺得好幸福💕✨ 最重要嘅係，真係要多謝愛我嘅人同我愛嘅人 一直係背後嘅支持🙏🏻✨💕2025年，希望大家身體健健康康，同埋要繼續開開心心快快樂樂。」未知2025年，會否見到嘉慧復出幕前拍戲呢？相信她的一班粉絲也很期待呀！

另外，早前嘉慧到成都作為2024年最後一次旅行，皆因她是熊貓的愛好者，此行更入住一間以熊貓為主題的酒店，不過她抵達當地便患上腸胃炎，即時要去醫院打針，她稱打完針後已好了不少，但全程都不敢吃東西。