2020年落選港姐陳若思（Amber、前名：陳煦凝）在參選前已在電競界及動漫圈薄有名氣，憑藉超級童顏及噴血身材收獲不少粉絲。近年，她被傳與富三代兼電競公司老闆鍾培生拍拖，平日周身名牌，再加上早前28歲生日獲神秘人贈送百枝玫瑰，甜蜜冧樣令戀情傳聞似乎更添真實性。不過日前，她卻突然在IG限時動態上傳多張流血相，抱怨自己在家中慘遭摯愛「毒口」。
延伸閱讀：
陳若思低胸小背心玩沙灘追逐 網民錯重點：視角超邪惡！靚到暈～
陳若思慶28歲生日獲神秘人贈百朵玫瑰 疑有新戀情曾與電競公司老闆傳緋聞
事關Amber被家中雄性比熊愛犬「乖乖」咬傷，血流滿地，見其中一張照片中，Amber的雙腳中間有一攤血漬，腳上踏住一張染血紙巾，情況似乎非常嚴重，她無奈留言道：「好心灰，我係一個唔好嘅主人，唔識得教狗，上個月俾乖乖咬完一次，今個月又俾佢咬。」而另一張照片則見到她去醫院洗傷口，Amber指本來還在猶豫需不需要去醫院處理，但見傷口不斷滲血才去求醫，醫生指因為傷口近大動脈：「洗傷口好痛，痛過打針好多，傷口比上次深，今次塞咗啲紗布喺個窿入邊，好彩有嚟到洗傷口。」
之後她又上載一張包紮好傷口的照片，愛犬則以可憐內疚的眼神望住Amber：「上個月佢咬完我之後，我都冇同佢瞓過。有一晚，我見到佢喺度咬我啲鞋，其實已經好多年冇咬，唔知佢係咪嬲我唔同佢瞓。」Amber還說雖然也有朋友曾提議過「要打」，不過Amber就表示自己唔夠膽：「一嚟我驚佢咬返我，二嚟我都打唔落手。然後每次佢見我喊，佢都好似唔開心。」最後，Amber都求助網民，希望搵一個好的狗隻訓練師：「我需要一個好嘅dog trainer（狗隻訓練師），求推薦，護食問題（即進食時會對其他人或狗有攻擊意圖）嚴重。」
