陳詩欣搵通渠佬中伏 豪花8000蚊整廁所獲網民指被搵笨

小花陳詩欣（Eunice）自下嫁圈外男友陳爾正（Joshua）後淡出幕前，婚後進駐千呎半山豪宅，更經常出遊過着少奶奶生活。

雖然她淡出幕前，但Eunice經常在社交網分享最新動向，日前她自爆家中遇上塞渠，豈料在網上尋找通渠服務結果中伏，最終更花了8000多元，令人驚訝！

她發文：「話說！屋企廁所條渠塞咗，咁我哋就好心急就網上搵通渠師傅，原來通渠師傅真係唔可以亂咁搵，佢話幫我哋通咗收咗我哋4200，仲叫我哋12個鐘頭唔好沖廁，我哋就好乖，點知12個鐘後一去廁所啲水源源不絕咁湧！跟住我哋凌晨打電話俾管理處問有冇相熟用開的師傅，師傅超好，真係幫我哋通返條渠補返廁所條邊，收我哋4000，前後兩日我哋為咗個廁所洗咗八千幾蚊。」

她續說：「留意！張單係唔會有公司名，根本係搵唔返原本第一次整嗰個師傅。」有網民指Eunice這筆錢真的使得勁，更有指其似乎被搵笨，叫她下次要小心！