TVB「綠葉王」宣布續約加人工 入行45年三度被挖角零心郁

李成昌入行45年演過無數角色，不論演反派或近年的慈父角色，一樣入型入格，演技早已備受肯定。向來熱愛行山的李成昌，日前拍片分享行山點滴，期間他宣布喜訊，原來他透露與TVB續約兩年，相當開心。

>>快啲追蹤我哋TVB WhatsApp Channel！

他說：「今日心情好靚呀！因為早兩日同公司簽咗兩年（合約）。其他所有都好滿意，咁我繼續喺TVB拍多啲好嘢畀大家睇！」

他接受傳媒訪問指不但有加人工，兩年更有150個騷，大讚TVB有誠意，「咁嘅環境，仲有咁嘅收入待遇，仲走得去邊！」

李成昌指因年紀大，不及後生有體力北上搏殺，也不考慮內地直播帶貨，加上愛女現於英國讀書，未來將攻讀多兩個心理學碩士學位，難怪他要努力賺錢供養女兒讀書。

其實李成昌入行45年，曾三度被挖角也零心郁，全因他指TVB一直對其很好，而他感恩其的一切也來自於公司。而且，他指有段時間不少人找其到內地工作，但他除了忙於TVB拍劇外，更放不下太太，絕對是圈中的「愛妻號」之一。