再見枕邊人丨張曦雯激罕濕身透白色Bra誘惑馬德鐘 大爆「假戲真做」全靠一招壯膽

由廖晉碩監製、林麗媚擔任編審的《再見‧枕邊人》，逢周一至五晚八點半翡翠台播映，主要演員包括馬德鐘、黃智雯、張曦雯、羅天宇、徐榮、鄭俊弘、尹詩沛及杜燕歌等。昨晚（18日）的第16集，朱善美Rachel（張曦雯飾）被楊萬森（馬德鐘飾）發現聯同聞琪（林熹瞳飾）出賣心聲製作公司、並蓄意破壞晴天（黃智雯飾）節目，為了挽回萬森同情分，Rachel不惜賣醉兼淋雨玩濕身，再度使出「心機女」招數！Rachel身穿白色恤衫並透出內裡的白色bra，大玩濕身誘惑，更向萬森撒嬌賣慘！

延伸閱讀： 再見枕邊人劇情｜全25集劇透懶人包 暗黑愛情故事大反轉 馬德鐘黃智雯張曦雯主演

張曦雯透露拍攝該場戲份，事前確有飲酒以便進入狀態，實行「假戲真做」：「賣醉仲要夾硬出去淋雨，呢個都係朱善美嘅必殺技。拍攝時鏡頭係由頭pan到落腳，雖然只得短短兩秒，外面亦有件衫唔係最性感，但我好少演seduce（誘惑人）嘅情節，對我嚟講係有少少尷尬，所以嗰場戲有飲酒壯膽，因為善美嗰個狀況係醉醉地，我飲酒都好make sense，可以畀到個feel。」