由廖晉碩監製、林麗媚擔任編審的《再見‧枕邊人》,逢周一至五晚八點半翡翠台播映,主要演員包括馬德鐘、黃智雯、張曦雯、羅天宇、徐榮、鄭俊弘、尹詩沛及杜燕歌等。昨晚(13日)一集劇情講述「心機女公關」朱善美Rachel(張曦雯飾)與未婚夫楊萬森(馬德鐘飾)、準繼子楊志鶱(劉宸熙飾)及其父朱賢達(杜燕歌飾)到影樓影全家福,還刻意安排晴天(黃智雯飾)來到影樓,藉此宣示主權。晴天懷疑爆出盧國峰(魯振順飾)醜聞之人是善美,在影樓與她對質,惟苦無證據。
延伸閱讀: 再見枕邊人劇情|全25集劇透懶人包 暗黑愛情故事大反轉 馬德鐘黃智雯張曦雯主演
兩女互寸場口「戲」味十足,善美拋下不少金句,「咁早就走,驚中途加入騷擾到我哋?」、「誤會?誤會啲咩呀?你唔係覺得Dr. Lo畀人揭發養豹件事同我有關呀?你咪講笑啦,一個贊助你就諗咁多嘢。」晴天亦不輸蝕:「點會呢,其實喺志鶱人生裡面,一開始已經有我,就算有冇你哋中途加入,都改變唔到我哋兩母子嘅關係。」晴天回到律師樓仍然氣憤難平,向金長勝(羅天宇飾)狠狠拋下一句:「唔想死,唔好行埋嚟!」但向來對晴天關懷備至的長勝,出盡法寶為博紅顏一笑,不但任由對方「咬手」發洩,又不惜模仿猩猩行走氹晴天開心,暖男指數爆燈!
另邊廂長勝發現被人安裝偷聽器,認定萬森所為,故設局裝萬森彈弓!雖然萬森中計斷正迷你倉,但卻反咬長勝接近晴天另有企圖。之後萬森拆解到晴天日程表內容,與好友「老鬼」魯正輝(徐榮飾)挖出晴天當年埋藏在泥土裡的錄音機,內容為萬森與晴天的對話……晴天說:「係咪為咗錢,你咩都會做?」、「咁你為咗錢係咪會殺咗我?」萬森則說:「你唔好逼我咁做!」、「唔好用道德綁架我!」其後萬森把錄音刪掉兼毀壞錄音機,種種線索都指向萬森似乎就是晴天當年失蹤的始作俑者……