《再見‧枕邊人》由廖晉碩監製、林麗媚擔任編審，今晚（29日）大結局，七年前謀害晴天（黃智雯飾）的終極Big Boss終於揭盅，不是楊萬森（馬德鐘飾）亦不是「大凌生」凌頌恆（張國強飾），原來是「情敵」朱善美（張曦雯飾）！劇情講述大凌生為兒子Alex（鄭俊弘飾）頂罪，承認就是殺害小敏（區明妙飾）之人，Alex在前往機場途中得知大凌生在獄中被刺傷昏倒，發瘋打傷大凌生助手兼司機阿添（梁皓楷飾）之餘，更將晴天頭撼燈柱並擄走，晴天再度身陷險境。
延伸閱讀： 再見枕邊人劇情｜全25集劇透懶人包 暗黑愛情故事大反轉 馬德鐘黃智雯張曦雯主演
接受流產手術後的善美接過Alex電話後即趕及現場，假扮協助Alex，其實助晴天脫險，兩女原本展開一段深情對話，晴天問善美為何拯救她：「我死咗，你唔係最大得益者咩？」善美直言沒有晴天的世界，生活的確美滿得多：「但我已得到我嘅教訓，我嘅報應已經嚟到喇，你滿意啦！」當晴天追問時，善美避談並轉身離開，此時卻勾起晴天的記憶，善美就是當日推落崖的真兇！
兩女由深情對話愈講愈激昂，當中金句更相當啜核！晴天怒吼：「你根本有心侵占我屋企，你搶走我老公、搶走我個仔，搶晒所有嘢！我冇晒事業、冇咗記憶，你拎走我七年嘅人生！」善美一臉委屈地反擊：「我冇搶，我根本就冇本事搶，我係企喺側邊等，我係企喺側邊忍，等到Sam終於肯放棄你，等到佢眼裡面終於有我，我全心全意為Sam為志騫，我為咗佢哋兩個咩都可以犧牲，唔通我就唔應份有呢個家咩！我為Sam做嘅嘢、受過嘅苦，你明咩？你做得到咩？」
原來當年約晴天到樹林會見、報料指萬森炒黑期的神秘人就是善美，被愛情衝昏頭腦的善美再次拋下金句：「當愛一個人多過愛你自己，你咩都做得出。七年前你失蹤咗，七年後你都唔應該返嚟。」晴天則問她：「做咩呀？你想殺多我一次呀？」
此時志騫致電給善美，讓晴天有機會逃走；萬森亦趕到現場，誤會其有份擄走晴天，善美一度激動至眼淚鼻涕齊流，並向萬森咆哮起来：「你似住我愛你，所有嘢要我讓步，我付出，咁多年嚟我有冇同你計較過？我幫你建立心聲，重建番一個完完整整嘅家，但原來我一路都係一廂情願！」、「你話你欠咗老鬼、欠咗顧晴天，你話冇晒所有嘢都心甘情願，當還番晒畀佢哋，你有冇問過我呀？我都有份架，你欠我架咩，你依家用懷疑嚟回報番我！」此時Alex再次出現，四人混亂大戰之中，萬森為了拯救晴天險跌落崖，善美義無反顧救萬森，自己卻變成跌落崖之人……
