《再見‧枕邊人》由廖晉碩監製、林麗媚擔任編審，昨晚（28日）劇情跌宕起伏非常精彩，講到高潮位一定是晴天（黃智雯飾）與長勝（羅天宇）在迷你倉檢查小敏（區明妙飾）遺物時被幪面人跟蹤，並搶走重要證物，不過機智的「晴勝CP」原來早有計謀，成功設局引「大凌生」凌頌恆（張國強飾）上當，全城直擊小敏被強迫吸毒的死亡真相。雖然片中真兇樣貌沒曝光，但手上的藍寶石戒指為「大凌生」標誌性首飾，「殺」大凌生一個措手不及：「快啲銷毀條片，唔好畀佢流出去！」向來溺愛兒子Alex（鄭俊弘飾）、為其鋪下完美道路的大凌生，抱住父子合照坐地痛哭，並向Alex留下口訊：「爹哋唔能夠再陪你，你以後好好地靠自己。」當大家以為他流著的是「放不下的眼淚」，但實情是「養不教，父之過」，Alex 才是殺小敏的人真兇！
延伸閱讀： 再見枕邊人劇情｜全25集劇透懶人包 暗黑愛情故事大反轉 馬德鐘黃智雯張曦雯主演
Bosco生父原來是Alex！
代子頂罪的大凌生給Alex拍了影片，這場「暗黑父子情」戲碼歪理得來相當感人，當中不少金句如「就算你闖幾多禍都好，我都幫你孭晒」、「就算你一事無事，你都係爹哋最錫嘅仔」，Alex流下內疚眼淚並自責地說：「我唔……應該戴你隻戒指！我唔應該害死小敏，係我累咗你，對唔住。」此外，大凌生亦揭曉Bosco身世，原來生父是Alex而非大凌生，當日兩父子早在醫院已相遇。
今晚（29日）大結局，謀害晴天的Final Big Boss謎底揭盅，劇情貫徹以反轉再反轉作風，讓觀眾意想不到的驚喜！晴天將被擄走到樹林，再度陷入險境，善美（張曦雯飾）得知後第一時間前往阻止，萬森（馬德鐘飾）趕到現場，誤會其有份加害於晴天；與此同時，真正擄走晴天之人再次出現，萬森為救晴天險墮崖，最終的確有一人意外身亡，究竟會是誰？密切留意今晚《再見‧枕邊人》大結局。
飾演經常闖禍富二代Alex的鄭俊弘（Fred），對於擔演此角直呼過癮，坦承尾段演出較難演：「Keep住好崩潰、好緊張、好癲喪嘅狀態，要好快由0去到100，需要好多energy，但呢個角色好好玩。」以往大多數扮演乖乖仔的他，對是次演奸角乎似好有得著：「永遠唔可以諗自己係奸，同自己講係好嘅，你就可以好完整同埋justify到你角色所做嘢。」Fred指拍攝時兒子鄭讚廷（Asher）出世不久，初為人父的他卻要達宵達旦開劇，只能夠透過視像及家用監控鏡頭見兒子：「記得有一晚開廠，我仔喺床上瞓緊覺，果陣仲攬住口水肩，個口水肩反起咗遮住塊面，我即刻緊張到打電話畀老婆，但佢沖緊涼聽唔到，當時好慌好驚！始於啱啱出世幾個月，好彩口水肩好薄，令我感受到做新手爸爸唔可以喺個仔身邊嘅慌忙，依家學識輕鬆啲咁去照顧。」
