《反黑英雄》最後兩集高潮迭起。昨晚(25日)播出的第24集,由於有感自己有份累死林雪兒,徐國賢(張振朗飾)自林雪兒死後性格大變,不但先後與穎琪(朱晨麗飾)及戴Sir(鍾志光飾)發生激烈衝突,更漠視警察身份決意找出殺死林雪兒的真兇陳祖耀(袁偉豪飾)私了。除了狠樣,振朗昨晚一集更先後在五個場口展現不同層次的喊功,包括獨自在拘留所及家中、海傍與燦哥訴苦時、激動地槍指戴Sir時,及最後於廢車場被金爺(李家鼎飾)拷問十億秘密資金密碼時;當中最令人難忘的,絕對是被吊起拷打的那場喊戲。
![](https://www.tvb.com/thumbor/jo4vOr57RERZDhpmKdDUvmYW97I=/1600x900/public/tvbcom/article/images/202407/6c633fc2-9f8e-4106-97f3-5e27e74f1578.jpg)
![](https://www.tvb.com/thumbor/UP3iZrtI0bbTv6eZAiK4xR00v7U=/1600x900/public/tvbcom/article/images/202407/4996a4d8-f4d9-4980-8ff8-1f4dcf565b38.jpg)
![](https://www.tvb.com/thumbor/rPdio9zNHKgNQeY_Chu6MAM869g=/1600x900/public/tvbcom/article/images/202407/cd5317ee-ca5b-4970-845d-17d08dd2c2ae.jpg)
![](https://www.tvb.com/thumbor/5xbmZwm9G8Zk8uBBtUQAIWZvEE0=/1600x900/public/tvbcom/article/images/202407/3156033c-7df5-4adf-beeb-78c6f22892bc.jpg)
![](https://www.tvb.com/thumbor/ceshGsXw3EXHSfCxPY89-QNieBM=/1600x900/public/tvbcom/article/images/202407/2ad72417-1173-4d3b-8094-6b0345fad64b.jpg)
相關場口講述金爺為了逼徐國賢說出十億秘密資金密碼,不但將其整個吊起,更著手下亂棍毆打徐國賢;被打至吐血的徐國賢表面一面倔強扮無知兼挑釁金爺,但之後鏡頭轉往徐國賢與林雪兒的回憶片段,原來當林雪兒知道自己大限將至時,將愛犬Whisky交託給徐國賢,並留下重要訊息:「你記住呀Whisky無價寶嚟架,十億都唔好換呀」,碰巧Whisky的狗圈上寫著「iloveyoutothemoonandback」(意思為:我對你的愛程度之深,堪比地球往返月球的距離),十億密碼謎底呼之欲出,亦表示徐國賢早已得知密碼。因為相關密碼再度掀起對林雪兒牽掛的徐國賢,一邊露出苦澀的甜笑,一邊眼淚瘋狂的落下,勁有感染力,成功感動無數網民令該幕被封全劇「最感動場口」。
![](https://www.tvb.com/thumbor/7pXrmYdPS0vwX-nrwFU2BtOu-i0=/1600x900/public/tvbcom/article/images/202407/4b348c04-4845-4d91-94c3-a8098dfc92b9.jpg)
![](https://www.tvb.com/thumbor/x39UTjxU1WLz_Ug69r3YUWU-1Tk=/1600x900/public/tvbcom/article/images/202407/b461e07b-e27a-4f98-b1f9-becd86837cde.jpg)
![](https://www.tvb.com/thumbor/FzO7hfVF-OLv9J9gwl4sCsk2c_E=/1600x900/public/tvbcom/article/images/202407/7fcc9185-e26a-4b30-b425-6bd330167f30.jpg)
![](https://www.tvb.com/thumbor/hCpve93DbuC_H7zC4A1sp1f2lzw=/1600x900/public/tvbcom/article/images/202407/136dd4d1-48c3-4ac0-806f-67dbeae32456.jpg)
![](https://www.tvb.com/thumbor/UUVFoNTmH1I91owjFBvNBpJO7wM=/1600x900/public/tvbcom/article/images/202407/c38a1382-2df2-42a3-8fde-3ff23da8f559.jpg)
張振朗在《反黑》中確實展現了神乎其技的喊功,除了他每次一含淚網民必定忍不住跟著心酸,他控制眼淚的能力亦是天花板級數,除了可邊笑邊喊,令人徹底感受到何謂「百感交集」,更能控制流眼淚的狀態,以海傍訴苦一幕為例,振朗竟能右邊流完眼淚後才再到左邊,與他拍檔拍攝相關場口的林景程,更大爆張振朗眼淚「抵抗力」強,即使面對嚴寒及任何爆笑因素都不會被影響,十分厲害。林景程說:「嗰場好笑呀,嗰日好凍,好似得四、五度度,我哋啲衫好薄、又要吹住海風,去到振朗差唔多要喊喇,但因為我嗰時塊面已經凍到痺咗,連自己流咗條好大嘅鼻涕都feel唔到。之後我要喺振朗喊緊時擰過去畀反應佢,當時我先feel到有條鼻涕喺度擺吓擺吓,好彩振朗完全冇受影響。到Cut咗機之後,振朗即刻(喺戲入面)走埋嚟話我搞佢,佢話:『嘩!我頭先幾難忍呀!』」相當爆笑。