警匪劇《反黑英雄》將於明晚（24日 ）起，逢周一至五晚8點半翡翠台播映，《反黑英雄》由王娟、鍾澍佳擔任總監製、方浤酌（Ben）擔任監製，主要演員包括陳山聰、張振朗、袁偉豪（Ben）、張頴康、朱晨麗、姚子羚、傅嘉莉、黃子恆、林景程、何沛珈等。
延伸閱讀：反黑英雄劇情｜全25集劇透懶人包（持續更新中）黑白兩道交鋒 陳山聰/張振朗/袁偉豪/姚子羚/朱晨麗
除了朱晨麗，陳山聰今次與上位小花、「東張女神」何沛珈亦有感情戲，二人更是首演情侶。雖然山聰與Roxanne年齡有點距離，但絲毫無損二人談情戲份的甜蜜氛圍，在劇組率先發布的第二輪劇照中，山聰與Roxanne不但 CP感十足，飾演補習老師的Roxanne的撒嬌冧樣及甜笑，更是相當Gfable，期待值爆燈。談到與山聰首演情侶，Roxanne透露原來二人並非首度「合作」，並笑言私底下以「偶像」稱呼山聰：「我同山聰唯一一次喺工作上有接觸嘅係《香港小姐再競選》，喺台慶決賽當晚，佢係問我問題嘅嗰一位視帝。之後我見到佢成日都會叫佢做偶像，因為佢就算經歷過好多高低起伏，但都從來冇放棄過，仲得到好好嘅成績。同山聰有對手戲我係好開心架，仲期待多過緊張添。」 佳導則坦承睇中Roxanne確是因為對方在《新聞女王》中表現很好，並笑著透露另一選用Roxanne原因是貪其有距離感：「因為佢《新聞女王》個角色層次同深度都難，都好驚喜佢可以Handle到，同埋佢喺其他劇同節目都有好好嘅表現。第二其實我想陳山聰個角色軒神、同呢個補習老師嘅戀人關係有啲距離感，個女朋友咁有學識又咁靚咁外向喎，嗰種不安全感好若即若離，所以就覺得將佢兩個擺埋一齊會幾得意，So Far拍出嚟效果都好好。」
