《反黑英雄》昨晚一集劇力蒂鈞,飾演大奸角無良的黃子恆遭飾演阿祖的袁偉豪以行刑式處死,畫面震撼!
延伸閱讀:反黑英雄劇情|全25集劇透懶人包(持續更新中)黑白兩道交鋒 陳山聰/張振朗/袁偉豪/姚子羚/朱晨麗
對於無良「下綫」,不少網民大呼不捨,並大讚子恆演奸角入型入格之餘,還相當有型!網民留言:「最快下綫的反派,還以為他是Big Boss」、「演奸角演到入型入格」、「衰得來好有型」、「裡裡外外氣場十足,是目前相當有型的反派」、「顏值同埋演技真係越嚟越讚」;網民又大讚兩大反派阿Ben和子恆均是「魅力值拉滿」。
![](https://www.tvb.com/thumbor/miQepS5g0ANwawIgdZb5n2aUKaw=/1600x900/public/tvbcom/article/images/202407/9b695836-c772-4af4-b072-d40ec9a2d7e9.jpg)
![](https://www.tvb.com/thumbor/6HER5x_JE7xL4E4F-Gwfet5MPaE=/1600x900/public/tvbcom/article/images/202407/b7ad8094-4737-47c6-a3a2-df6c60138d66.jpg)
![](https://www.tvb.com/thumbor/q3L4WeuqBjt5mndkoVLIcLGzGfg=/1600x900/public/tvbcom/article/images/202407/463262c2-76ee-447f-a809-b7935dc40737.jpg)
![](https://www.tvb.com/thumbor/I3CGo_qqaWvlv5C5KYYvdzHhV74=/1600x900/public/tvbcom/article/images/202407/6767f0f3-80fe-4566-b0f1-dd9a98698327.jpg)
![](https://www.tvb.com/thumbor/OIxr8YZhnrIJXFYZF_d3B8a8UUA=/1600x900/public/tvbcom/article/images/202407/d7bbdb0e-4ece-4941-bbf4-095c0528f077.jpg)
講到今次飾演大奸角無良,子恆受訪時大嗌好玩:「今次監製想我做到同平時嘅社團大佬好唔同嘅感覺,要係一個有學識嘅斯文人,睇落完全唔似社團大佬咁,所以我演嘅時候係當一個生意人咁去演,最大難度係拿捏個力度,做得兇少少就變得好古惑仔,做得太輕佻又冇嗰種霸氣。」提到被Ben行刑式處死,子恆坦言刻骨銘心:「最尾嗰刻佢雖然知道自己已經玩完,但係佢氣勢上完全係冇輸,我覺得成場戲個氛圍好型!」至於講到殮房戲,子恆透露拍攝當日只得10度左右:「全身只係除淨一條打底褲,仲要瞓喺張不銹鋼床上面,其實都幾難頂,但劇組都好好,一Cut機就攞毛巾畀我褸住,拍呢場戲最大難度就係唔可以震,Roll機時亦唔多可以抖氣!」子恆續指對化屍體妝最難忘:「化咗足足3個鐘,因為成個身都要上色,再加埋一啲特技化妝,基本上除咗打底褲成個人都有化妝,成個過程有三個人幫我化,拍完之後有五個人幫我落妝,前期同後期其實都用咗好多人手去做好件事。」
![](https://www.tvb.com/thumbor/sgwj0rkInly3khuA8rI1XXCeRRs=/1600x900/public/tvbcom/article/images/202407/a6370034-c423-4ee3-bf9c-740f00b89e15.jpg)
![](https://www.tvb.com/thumbor/_GblTyGGq4XSDuVxcfk0tB04ItY=/1600x900/public/tvbcom/article/images/202407/a8fa8ad0-a3bb-45d7-9b47-58569ebd61d1.jpg)
![](https://www.tvb.com/thumbor/RHnHYsr391Z7zbG4FFDBMIkIBx0=/1600x900/public/tvbcom/article/images/202407/0c75c5fb-80ae-4d3c-bc7f-40a9deed9202.jpg)