太陽星辰丨凌文龍首演反派「多層次邪氣」震撼觀眾 與陳偉霆合作創作細緻演繹過足戲癮

他早前在社交平台分享對演出麥志鴻的感受：

感謝大家對 #太陽星辰 的支持❤️ 好多謝大家鍾意 #麥志鴻 呢個角色，感謝導演拍得好好，俾咗好多好好嘅意見我，感謝老闆們俾呢個咁好嘅角色俾我做，感謝編劇，然後感謝演員們大家嘅化學作用，仲有感謝整個制作團隊嘅創意同埋技術，都係令到麥志鴻呢個角色好豐富。

我記得開拍嗰陣因為剃左頭唔習慣，容易凍親，而麥志鴻去親嘅環境都是陰陰涼涼、污糟邋遢嘅環境，仲要係大熱天，仲要着勁厚嘅服裝，整個拍攝期間感冒左三次，每日拍攝都好難捱。最後的成品有大家嘅喜愛和支持，乜都值啦❤️

延長閱讀： 太陽星辰劇情及演員名單｜18集懶人包持續更新 陳偉霆/劉雅瑟橫跨新舊時代 攜手破奇案！

舞台劇演員出身的凌文龍，從演以來首次飾演奸角，坦言感到好有挑戰性，透露多場與陳偉霆的戲份「好多細緻嘅表達都係我哋一齊創作出嚟」，直言過程過足戲癮。現年38歲的凌文龍中學時已參加不少話劇比賽並得獎，後來考入香港演藝學院戲劇學院，主修表演，2008年畢業並獲頒藝術學士（榮譽）學位。其後演出逾40套舞台劇，直到2018年首踏大銀幕，在電影《黃金花》飾演中度智能障礙人士，憑作品獲得香港電影金像獎最佳新演員獎，同時首獲提名最佳男主角，相當厲害。