奔跑吧！勇敢的女人們｜朱敏瀚瘋狂晒完美Body惡搞一系列經典 拍除衫戲前必做一件事盡顯專業

除了Jinny有新鮮旗袍Look，朱仔亦有不少搶眼造型，除了「周慕雲」Look，還有近乎全裸的未來戰士Look，脹卜卜的完美胸肌與疑似裸露的臀部相當吸睛。問監製瑋澄朱仔是否真的全裸上陣時，他坦言：「有打底嘅，只係用特效抹走咗」，再追問朱仔胸肌如此強勁是否都有後期加工，瑋澄則以四字簡單回應：「真材實料！」

朱仔第三個造型，是以半裸煲呔Look，與吳若希齊齊在蕭正楠的幻想中上演各式各樣香艷場口，除了恩愛又油膩地齊齊大玩女僕魔法及咒語，又先後在床上及浴缸中放肆調情，朱仔全程挑機又邪惡的表情，令人相當難忘。朱仔接受TVB.COM訪問時爆料指是蕭正楠及吳若希夾手夾腳要求他除衫演出場口：「嗰場戲本身冇話要除衫嘅，但我記得我一入廠時，阿蕭同Jinny就話不如玩盡啲，你除衫淨係䘶條煲呔，咁好似funny啲。咁我覺得冇所謂啦，我本身拍呢套劇嗰輪都除開衫，都有個狀態喺度、有效果嘅，咁我就照除。」據知，朱仔雖然向來有操開肌，而且長期保持健康飲食，不過為了拍攝效果更好，他每次至少再花多一個時間再額外操練，以達到最佳效果，相當專業。