奔跑吧！勇敢的女人們｜朱敏瀚魅力升級獲封霸總Best Pick 微表情落足心思突顯「低調式喜感」

原來朱仔接拍《奔跑吧！》前，監製瑋澄講到明想他洗掉身上的「靚仔味」，瑋澄接受TVB.COM訪問時說：「我同朱仔講我想佢隨性啲同埋想佢頹頹地，但又要成日好似看透世事咁。」觀乎朱仔劇中表現確實符合監製瑋澄預期，將丁丁打造成「愛妻號」的他，全程冷眼旁觀丁丁與林采琳危危乎的婚姻關係，但有時候又忍不住流露對采琳的同情。除了是劇中「隱藏型暖男」，為了配合角色低調的人設及劇集喜劇的設定，朱仔在不少場口均努力地以「微表情」炮製喜感，尤其面對吳若希的瘋狂進逼、及蕭正楠的滑稽處事方式時，朱仔眉頭眼額間流露的受驚、失笑及等睇好戲的食花生樣等，均為場口生色不少，堪稱劇中「微表情」男神。

談到事前準備功夫，朱仔坦言今次確實是刻意選用了較細微的演繹方式，心得更是來自之前極受歡迎的《反黑路人甲》：「呢個方式係喺《反黑路人甲》度學番嚟，當其他人High啲嘅時候，我就subtle啲，咁就會畀到觀眾冷面笑匠嘅感覺，都係一種搞笑嘅方式嚟，同其他演員亦會有個一凹一凸嘅平衡感喺番度。」朱仔又大賣關子謂，在稍後播出的劇情中，將有crossover《反黑路人甲》情節出現，期待值爆燈！至於飲水場口，朱仔笑言確實飲了很多水的同時，並補充指場口拍了兩日，其中一日更是單純拍攝飲水鏡頭，足見製作認真。