奔跑吧！勇敢的女人們｜程可為演精靈失智老人勁搶 效力無綫多年從沒想過跳槽：好似嫁咗入一個屋企50年咁

可為姐接受TVB.COM訪問時，坦言今次角色確實有發揮，所以要背誦的對白亦不少！問到現年70有3的可為姐，為何仍能這麼厲害記到海量台詞時，可為姐即搞笑自封是「勤力學生」：「我都成日有叫啲後生要就住我架，哈哈。嗯咁因為我哋唔多戲嘛，但啲後生就場場都有份，咁我就要乖乖地記熟晒啲對白佢，唔好累佢哋Ng咯。我成日追人攞劇本架，一攞到劇本就喺屋企係咁記同係咁背，真係讀書都冇咁勤力！我自己認為應該要對自己負責，因為係同同事一齊拍，大家都咁辛苦，唔好連累人。同埋自己係長輩嘛，應該要做好本份，記熟對白、唔好甩甩咳咳之餘，都唔好遲到早退。」每次拍劇話喊就喊、話笑就笑的可為姐，不諱言會背埋對手的對白，皆因這樣才能配合做出適當反應。

投身無綫超過50年的可為姐，笑言自己今時今日依然熱愛演戲，更從沒有想過轉工，因為公司上下對她來說都已是十分了解自己的家人：「我唔想跳槽呀，我同呢度有好深厚感情，好似嫁咗入一個屋企五十年咁，唔通依家仲要去重新認識同事咩，唔好玩啦！我唔使喇。呢度我合埋眼都知邊度係邊度，攞劇本個架我自己識去架。呢度同事個個都好似家人，好了解我，例如化妝時間六點，大家都知我五點半一定返到去，如果五點五十分見我仲未返到，大家就會開始擔心架喇。」足證台前幕後相處勁有愛。