奔跑吧！勇敢的女人們｜蕭正楠為氹賴慰玲垃圾房重現經典「𠽌𠽌𠽌」 曾自揭慘成笑柄：畀人話猥瑣

到底場口是監製要求、還是阿蕭爆肚演出？對此阿蕭接受TVB.COM訪問時透露是他自己的構思，並謂由頭到尾都只是希望觀眾看得開心：「我哋想成件事再荒謬啲，就諗住喺個垃圾袋度摷到好多甜品出嚟，當時我就諗畀雪糕佢時可以玩番個gag（𠽌𠽌𠽌），應該會幾好笑，其實我哋一心都係想觀眾睇完套劇會開心笑。事後都有好多Fans Cap番我呢個廣告出嚟畀我，勾起大家嘅回憶都係開心事嚟。」難得阿蕭相隔逾20年再現經典，無綫官方社交網亦隆重其事，除了播出2003年相關廣告拍攝的探班花絮，還摷回阿蕭2009年在節目中親自回應為何會以這樣的方式拍攝廣告：「真係好多人笑我點解要拍呢個廣告，好多人話：『都唔知你做乜』，直頭畀人話我猥瑣。但喺我角度嚟講，公司收咗客錢，個客想做呢樣嘢，因為咁啱個西餅真係要𠽌住咁去食，所以就教大家𠽌𠽌𠽌咁去食件西餅，我自己睇完都覺得好好笑嘅。」