奔跑吧！勇敢的女人們｜黃瀅仴首嘗三七分界演「青春無敵OL」大獲好評！能文能武精通六種舞蹈

其實Verena唔止靚咁簡單，仲夠晒勤奮同多才多藝。Verena自2021年入讀無綫藝訓班後，一直獲得不少演出機會，除了兒童節目《Hands Up》主持、還曾拍攝《搵鬼去電視城》、《直播靈接觸》等綜藝節目，又參演過《美麗戰場》、《婚後事》及《逆天奇案2》等劇集，雖然只是小角色，但Verena依然全力做到最好，就像在《奔跑吧！》中，被監製Order要演活「青春美少女」這個身份的她，在劇中無時無刻都盡量展現活潑可愛一面，即使只是簡單反應Shot，也永遠表情多多又生鬼，難怪吸引網民眼球。

事業學業兩兼顧仍堅持一科Major一科Minor

雖然工作量不少，但原來Verena還有分身讀書，現時仍在港大修讀Global creative industry（全球創意產業）的她，原來原本還想Major埋Marketing，但後來因為事業學業兩兼顧分身不暇，才忍痛將Marketing由Major轉Minor，Verena接受TVB.COM訪問時說：「本身諗住double major㗎，但最後真係頂唔順…放棄咗」，但短短一句，已顯示出她的驚人意志力、鬥心及毅力。另一有趣的點是，有「港大孫志新女神」之稱的Verena，當初投考藝訓班時，竟在討論區掀起過一番熱討，難怪被指是學校風頭蠆。

自小表演欲已甚強的Verena，同時亦是港大戲劇社成員，及跳舞狂熱份子。之前憑精彩的拉丁舞表演在綜藝節目《全城一叮》贏盡焦點、兼成功打入決賽的她，其實五歲已經開始學跳舞，並懂得跳芭蕾舞、現代舞、古典舞、中國舞、爵士舞及拉丁舞，當中中國舞、爵士舞及拉丁舞是她較為專長的舞蹈，而她亦曾憑拉丁舞榮獲「第26屆起舞杯 亞洲巡迴賽拉丁舞公開四項冠軍」及「中順潔柔杯：2018第13屆中國‧珠海粵港澳大灣區拉丁舞三項冠軍」，實力驚人！Verena更曾在訪問中指出，自小練舞令她養成挺胸收腹的習慣，難怪身形望落永遠如此優美，Verena說：「以前返學好多同學都會問我，點解我成日挺到個人好直咁，我都有解釋唔係特登嘅，呢個係由細到大嘅習慣。可能因為學芭蕾舞、拉丁舞對形體嘅姿勢要求比較高，就令我習慣咗就算休息緊都要挺直個人。」

談到是次角色造型大獲好評，Verena一再感恩幕後同事的幫忙及用心，並笑言曾獲監製瑋澄嚴禁著貼身衫：「有樣嘢好搞笑，因為我個角色定位係青春美少女，而我試造型時啲衫其實係再緊身啲、同埋多啲一字膊，但監製就Ban咗，佢話驚太性感，佢想要多啲陽光美少女嘅感覺。」Verena續指很開心首度嘗試三七分界即獲網民接納：「我一直以嚟都習慣中分，諗住留番啲蔭嚟遮面，等塊面睇落冇咁大。所以套劇出街前我都好驚會好包包面，好彩出嚟效果都ok，算係解鎖咗個新形象，呢套劇都令我發掘咗自己好多唔同可能性。」Verena又感激監製瑋澄給予她這麼好的發揮機會：「呢個角色係我入行以嚟最多戲份嘅一套劇，所以真係好多謝監製。」

至於被指牙齒又白又齊，Verena笑言全靠媽咪幫她自小培養良好習慣：「我覺得牙形係要多讚爹哋媽咪嘅，主要要多謝媽咪，自細佢已對我好嚴格，好少畀我用牙籤撩牙，因為佢話成日咁啲牙會好疏，而每次食完飯佢都教我用清水啷口。至於牙齒白，我估係同我飲咖啡同茶都盡量用飲筒飲有關，我覺得咁樣或者可以減低咖啡同茶喺口腔停留嘅範圍同時間，都係盡量去注意啲生活習慣。」