婚後事丨《阿拉斯加海灣》兒童合唱版 成第四集重點催淚位

《婚後事》第四集播出後贏盡好評，除了小演員鄭淽月及羅子溢的演技，片尾播出由小朋友獻唱的《阿拉斯加海灣》，配以潘悅（鄭淽月飾）捱著姐姐Julie在偌大的客廳中孤獨而又落寞的背影，整場戲催淚指數高企，網民紛紛表示片尾這首歌絕對是神來之筆！

《阿拉斯加海灣》是馬來西亞歌手菲道爾親自作曲填詞及主唱的經典名曲，當年一度hit爆網，在內地抖音平台曾創下逾6億點播量佳績。由於《阿拉斯加》歌詞與《婚後事》劇情不謀而合，劇組花了不少時間洽談歌曲版權，結果成功購下版權，並由谷婭溦翻唱成為片尾曲。由於昨晚播出的第四集是以悅悅視點為主，為了突顯悅悅痛愛父母的心情，劇組刻意找來兒童合唱團的同學仔翻唱歌曲，據知，這個更是首個兒童獻唱的版本。

延伸閱讀：婚後事劇情｜全20集劇透懶人包 6大主角介紹 陳自瑤羅子溢王敏奕主演

《阿拉斯加海灣》歌詞節錄
「上天啊 難道你看不出我很愛他
怎麼明明相愛的兩個人 你要拆散他們啊
上天啊 你千萬不要偷偷告訴他
在無數夜深人靜的夜晚 有個人在想他

以後的日子你要好好照顧他
我不在他身旁你不能欺負他
別再讓人走進他心裡 最後卻又離開他
因為我不願再看他流淚啦」

除了配合劇情的兒童版《阿拉斯加海灣》，昨晚的入肉對白亦是淚點所在。

潘悅：
「你哋（指父母）應承咗我嘅嘢全部都唔算數，咁係咪講大話吖？」

「你哋（指父母）離婚我咪一樣咩都唔做到，咩都你哋話事」

「我冇做錯，love heals everything，我一定可以醫番好你哋架」

「我知架喇，你哋已經唔再愛對方，我唔應該自以為是，對唔住呀，你哋要怪就怪我啦，唔好再嗌交啦。」

「我好想變木頭公仔，木頭公仔就唔會痛，媽咪唔可以冇咗我，你又唔可以冇咗我，最好掰開我，一人分一半 」

潘善仁：
「我哋唔單止逼對方癡咗線，連個女都畀我哋逼到咁，我哋曾經講過三個人一齊會最幸福，點解到頭嚟會搞到咁。」

「因為無論大人犯過咩錯，那怕小朋友心裏面幾咁痛苦，佢都依然會盡最大嘅努力去愛佢嘅父母。小朋友嘅愛從來都係咁單純，呢份單純，就算我哋離婚，都應該盡畢生嘅努力去繼續守護，互相報復，無補於事，只會加深傷害，我哋個女先係最大受害者，我哋唔好再錯落去」