愛回家之開心速遞第2456集｜平安夜穿越古代開聖誕Party！

【愛回家之開心速遞第2456集】守騰卻鎮過聖誕（上）

今日平安夜，《愛回家之開心速遞》有一連三集聖誕Special系列！

熊家眾人出埠旅行，竟然參觀聖誕老人博物館，發現世界第一位聖誕老人同根叔（劉丹）竟然有幾分相似，連根叔見到同自己咁似都忍唔住ho ho ho 咁笑！而話說首位聖誕老人嘅誕生日生背後原來有段爆笑故事，大家準備好笑到肚痛未？

首先，話說四皇子Joe（何晉樂）學成歸來，皇帝（羅樂林）聽到呢個消息，立刻決定要大事慶祝，甚至準備豪華的御宴。當然，唔可以少得力蓮公主（林淑敏）嘅擔心，佢覺得皇帝有意將Joe立為太子，於是計劃要令Joe缺席。

而另一方面，外族使者(楊明)要到守騰卻鎮向皇帝獻寶，於是就投宿喺速熊客棧。根叔等見到機會，心諗：「呢個外族使者肯定有銀，唔好錯過！」於是大家開始盤算要設法「搵銀」。根叔同佢嘅夥伴們，無論係用乜嘢方法，都想拉住呢位外族使者，賺多啲錢。

Joe皇子被引誘嚟到速熊客棧，呢班熊家人就著手計劃要留住佢。根叔用盡各種方法，包括搵當今四大美人一齊同Joe跳勁舞，搞熱個場！佢哋更偷偷攞出外使嘅寶物夜明珠嚟當disco燈，全場氣氛high爆！總之想盡辦法令Joe覺得呢度好得意，唔好走！呢啲全部係力蓮公主嘅計謀！

不過，娥貴妃（樊亦敏）發現Joe離宮後，可能會激嬲皇帝，於是就開始出謀劃策，想要瞞住眾人，想辦法搵返Joe返回皇宮…

今集聖誕Special仲未完㗎，大家繼續留意《愛回家之開心速遞》！