法證先鋒6︱馮皓揚處男劇演自閉症患者最擔心呢樣嘢嚇親黃宗澤　患有亞氏保加症有助與角色產生共鳴

問到首度參演電視劇的Mason，覺得蘇樺偉及霍寶樂哪個角色較難拿捏，Manson笑言每個角色對他來說都是獨特的，故不會刻意比較：「每個角色都係獨特嘅，都一定有自己嘅節奏同習慣。而要去摸清楚一個有自閉症嘅角色，我認為最花功夫係要了解佢嘅思維模式，因為睇嘢嘅角度可以同一般人好唔同，以霍寶樂為例，好多時候睇嘢唔會以感性行先，會以呢件事嘅正當性去衡量，係一個有正義感嘅人。」他又坦承由於自己患有亞氏保加症，故對寶樂這個角色易有共鳴：「我唔太擅長社交，霍寶樂同樣、甚至比我更加不擅長，所以一定程度上都會有少少共鳴。」他又笑言由於角色在劇中與黃宗澤溝通有一定限制，故曾很擔心被對方誤以為是「怕醜仔」，相當搞笑。