異空感應丨呂珊首演吸毒一樓一鬧市拉客嗌尷尬 4歲獲呂奇引薦入行當童星曾演活多個經典角色

點讚

撰文：爆炸頭七蝦

發佈日期：2024-12-18 11:40 更新日期：2024-12-18 11:44

異空感應丨呂珊首演吸毒一樓一鬧市拉客嗌尷尬 4歲獲呂奇引薦入行當童星曾演活多個經典角色

《異空感應》本周劇情高潮迭起，當中最引發熱討的，絕對是Duncan（阮浩棕飾）身世。劇情除驚揭邢可嵐（陳曉華飾）是Duncan同父異母妹妹，生父邢有山（陳嘉輝飾）因老婆淑娟（龔慈恩飾）施壓而有子不敢相認的同時，原來Duncan的生母莊玉玲（呂珊飾）更加不負責任，當年自邢有山斬纜後，莊玉玲光速另結新歡之餘更當Duncan沙包咁踢，後來索性對Duncan不聞不問。更可悲的是，因沉淪毒海淪落至賣淫的莊玉玲，不但連親生兒子都認不出上前兜搭；當知道Duncan是親生仔後，莊玉玲竟向Duncan苛索五萬蚊「斷絕關係」費用，令Duncan徹底死心！

+12

出名好戲的珊姐，這次拍攝《異空感應》雖然出場次數不多，但每一幕均令人留下深刻印象，無論是點算Duncan所付「肉金」時爛撻撻市儈樣、無恥至極地向Duncan荷索金錢樣，抑或哮喘病時的痛苦樣及死亡時的「死唔眼閉」樣，均相當有記憶點。監製Amy姐（王心慰）笑言，每次找珊姐演戲都巧合地將對方醜化，直言感到內疚：「我對呂珊唔住，平時睇佢演唱會都係好靚、好高貴咁，佢真實性格又好有活力同樂觀，但我次次搵親佢做嘅角色，都咁啱唔夠靚。今次呢個角色，我第一個就諗起珊姐，因為佢夠瘦、夠晒入型入格，難得佢又唔介意做一個咁嘅角色。不過佢有話未試過喺條街度咁樣演兜搭戲，有話好尷尬。」對於珊姐放下包袱豁出去演折墮衰阿媽，網民大感驚喜，除大讚珊姐專業，勇於挑戰不同類型角色，更錯重點大讚珊姐靚女：「呢個年紀級別嚟講都幾正」、「佢後生的而且確係靚女」。

+11

談到角色，珊姐受訪時坦言為劇集至少獻出了演藝生涯三大第一次，分別是在九龍城賣淫、吸毒及瞓鐵床演待被解剖的死者，珊姐不忘感激監製謂：「感謝Amy 姐給我機會試新性格嘅角色。」自2000年開始參與無綫劇集拍攝的呂珊，曾兩度提名《萬千星輝賀台慶》「本年度我最喜愛的實力非凡女藝員」，亦曾提名「最佳女配角」殊榮，演技實力早獲肯定；與Amy姐合作無數的她，當年在《與敵同行》中遭養子郭晉安掟落地下一幕亦相當經典，Amy姐更謂十分感恩當時的台前幕後為了拍好這一幕相當花心思及齊心：「佢哋傾咗好耐，拍出嚟好似真係跌咗落去咁。」呂珊雖然是知名「靚聲天后」，但其實她拍戲經驗亦相當豐富，於四歲之年已獲爸爸好友呂奇引薦入行當童星，出演呂奇主演的電影《梅蘭菊竹》。呂珊的家庭背景亦相當厲害，父親呂永既是媒體總編輯，亦是粵劇及電影編撰兼作詞人，二人更是明朝書法家呂伯懿後裔。