異空感應大結局｜何沛珈百無禁忌農曆正月初六拍後巷棄屍戲：只要係角色需要都應該要去做

雖然連環殺手楊醫生（李頊珩飾）於第22集被燒死，但昨晚（25日）播出的第23集，竟再有新的連環殺手出現！劇情講述有兩名夜歸女子先後慘遭扑頭殺害，其中一名死者更是Dr. Fong（陳家樂飾）貼心助理Ada（何沛珈飾）。經警方及Dr. Fong連番調查，終鎖定疑兇為介乎25-35歲的的士司機，特徵則為身上的灰色外套。

嚴寒當街凍水淋頭沖洗血漿 首拍動作戲意外撞到頭

昨晚何沛珈（Roxanne）飾演角色Ada死狀頗為觸目驚心，慘遭棄屍後巷兼整張臉都是血。Roxanne接受tvb.com訪問時，笑言除了化屍體妝花了不少時間，當街洗掉血漿的經歷亦令她十分難忘：「因為要黐大量道具血漿喺塊面度，所以拍完之後要喺條街度即刻洗番乾淨佢。嗰時雖然係冬天，條街又冇熱水，但我都照攞凍水洗走啲血漿先。」Roxanne透露這次亦是她第一次拍攝動作場面，並不小心意外撞到頭：「雖然武術指導有喺現場教我點做，可惜我蠢，第一take就撞到個頭，起咗層樓喺個頭度。（冇乜後遺症嘛？）係有少少Wing wing地，不過都好快冇事。監製Amy姐第二日仲特登打嚟問我有冇事，嚇親佢真係唔好意思。」