異空感應｜何遠東激瘦70磅追陳曉華惹關注 新劇Look與體重高峯時期天淵之別網民嗌唔認得

原本以肥嘟嘟可愛形象成功入屋的何遠東（東東），體重高峯期一度高達280磅，但依然無損其受歡迎程度，具備一定演藝實力的他，2017年憑在台慶劇《降魔的》中的士司機「龍貓」角色大受歡迎，首度於萬千星輝頒獎典禮獲提名最佳男配角。雖然肥胖身形成了東東標誌，但2017年因為健康問題、東東的起心肝減肥，並於短期內成功減掉50磅，當時已惹起高度關注。之後東東再爭取於疫情期間努力做運動減肥，結果再成功減多50磅，成為圈中減肥傳奇！

由於減肥成功後的東東，與招牌肥胖Look時樣子有天淵之別，不少網民看到他現身《異度空間》均直呼「認佢唔到」，並對佢消瘦不少再度表示驚訝。東東接受tvb.com專訪時，坦言其實近期已「重番10磅左右」，並指自己一直沒有特別節食，可能是因為近年愛上緩步跑，身形才得以慢慢改善。談到身形清減後網民表示唔認得，東東笑言可能是好事：「作為演員，雖然最強嘅特徵改變咗，但咁樣反而可能令觀眾留意多咗我作為演員嘅多變性。我覺得都係好事。」並透露今次角色可能唔止搞笑咁簡單:「今次我再一次遇到人生第一個伯樂，王心慰監製，我希望不負佢嘅期望、演好角色，為觀眾帶來歡樂。大家要密切留意，究竟我個角色可唔可以笑到最後呢？」