異空感應｜阮浩棕「奸笑掉垃圾」Gif熱爆網 網民洗版式力撐「登勤」攞獎雙囍臨門

對於Duncan的悲情過去，網民無不表示同情，阮浩棕的精彩演出，更吸獲網民洗版式好評，有網民直指Duncan癲喪及觸目驚心度可媲美「唐立言（《與敵同行》郭晉安）」、「鷲哥（《巨輪2》吳岱融）」及「阿鏈（《超能使者》陳展鵬）」三大經典角色，除了直接以「Duncan」取替「鏗少」成阮浩棕最新暱稱、力推阮浩棕是全劇至愛角色的同時，還有不少網民留言表示希望阮浩棕在今年的《萬千星輝頒獎典禮》能連奪男配及男飛躍兩大獎項！近日因新劇網絡人氣急升的阮浩棕，日前接獲慈善團體邀請，到某幼稚園向小朋友大派聖誕禮物，席間更有小朋友大叫他Duncan哥哥。阮浩棕接受tvb.com訪問時，覆述當時情況謂：「有人問佢哋認唔認得呢位哥哥，佢哋就大叫Duncan哥哥。（依家出街係咪好多人直接叫你Duncan）都係呀，多謝大家支持《異空感應》。」

網民：「阮浩棕活潑中帶點邪氣」、「啲戲真係好好，呢個角色好難做，唔係一味奸，本身勁慘勁多故事」、「佢真係慘到令人同情到隔住個Mon都想安慰佢，啲戲真係好好」、 「Duncan有樣有演技應該捧啦」、「Duncan自從拍完《隱門》畀鷲哥感染咗」、「主要係為咗睇Duncan癡線」、「Duncan發火 非同小可」、「如果唔畀Duncan攞男飛 TVB要小心啲」、「希望Duncan最少入到飛躍五強！」 、「想你拎埋男配」、「Duncan好值得今年拎番個獎，睇到人好緊張」、「鷲哥式搶戲」、「做《隱門》嗰陣同鷲哥一齊玩已經好有喜感，嚟到呢套戲直接成為鷲哥」、「如果失落獎項，小心Duncan大爆發，彈起身不停精神病式重複講無理由我咁努力會無獎，越來越大聲，無理由架，點解要咁對我，跟住上台掃枱掟嘢」。Duncan角色熱度如此高，自然亦有不少「名場面」，本周Duncan將衰格生母的骨灰似笑非笑的掉進垃圾車後，臉上流露的空洞陰森笑容成為經典，不但當晚已有「Duncan掉垃圾Gif」在網上流傳，更有網民直指劇集可改名《Duncan傳》：「垃圾車呢幕個表情好正」、「以後掉垃圾個樣都要學下登勤先」、「出門口掉垃圾要奸笑」。