異空感應｜黃子桐靠負面情緒演活「癡身小三」中大醫學院碩士畢業開中西醫診所幫助圈中人

點讚

撰文：電視精二師兄

發佈日期：2024-12-21 17:36 更新日期：2024-12-23 09:39

異空感應｜黃子桐靠負面情緒演活「癡身小三」中大醫學院碩士畢業開中西醫診所幫助圈中人

《異空感應》除主線故事進入高潮，個案單元亦繼續保有追看性及懸疑感。本周最震撼單元個案，是Madam焦（譚凱琪飾）的「渣男老公」彭至有（黃祥興飾）慘遭殺死及割走頭部，Madam焦認屍時毫無頭緒，反而小三Mily（黃子桐飾Rachel）卻能馬上講出至有身上特徵，令Madam焦難過又自責。

Rachel是次演繹的小三頗有發揮機會，除了要與黃祥興及譚凱琪有不同程度及形式的拉鋸外，又要應付大量情緒崩潰場口；當中最令人印象深刻的，是Mily想拉著至有不讓他開車離開，可惜至有竟在Mily半個人伸進車廂的情況下照樣踩油，令大著肚子的Mily慘被拖行兼跌落地…原來該幕場口是Rachel親身上陣拍攝，連監製Amy姐亦曾大嘆：「佢真係搏晒命！」

Rachel接受tvb.com訪時問時，提到原本劇組準備了武指、路軌及各式安全措施保護她，但台前幕後為求拍出來效果更真實，最終決定由Rachel親身上陣拍攝，並由武指全程傍實，Rachel說：「因為我要掙扎同埋畀車夾住嚟拖行，啲動作要好大先真實，真係好驚險嘅，但嗰時我冇諗咁多，只係想拍出最好嘅效果，因為我覺得機會永遠得一次，難得遇到咁有發揮嘅角色，呢個真係要多謝Amy姐。」Rachel續指相關一分鐘場口，由下午五、六點足足拍到凌晨四、五點左右，足證製作認真。

黃子桐（Rachel）於香港大學主修中文及犯罪學系，曾於醫療機構任營運主管，港姐出身的她，於2019年開始參與劇集拍攝，曾於《愛‧回家之開心速遞》中飾演過超過十種不同類型角色，並憑《本尊就位》的名妓「甘藍」角色為人熟悉；除了拍劇，Rachel亦同時兼顧學業，2022年於香港中大醫學院完成碩士學位，主修公共衛生。而兩年前拍攝《異空感應》時，Rachel便正正處於兼顧拍劇及讀書的壓力高峯期：「嗰時一邊拍劇一邊讀書，我仲要選擇咗用一年時間去讀兩年嘅課程，而且係跨學科咁去讀，係好辛苦，加上唔想放棄幕前，好多時都係等埋位嗰陣做功課同溫書，或者開Zoom上堂，真係好大壓力，又冇時間做運動，所以搞到荷爾蒙失調，所以拍呢套戲時係有啲壓力肥。」

雖然如此，但正面又積極的Rachel，卻認為該段時間除了長知識，還有人生閱歷的得著：「當時我嘅情緒唔係話好好，有少少抑鬱，但又咁啱可以運用喺個角色度。其實幾大壓力、幾難都好，當捱過咗之後嗰種經歷就係情感嘅素材，所以我都感恩，每個經歷都幫到我更融入唔同嘅角色，亦令我之後更識得面對壓力。