痞子無間道｜何泳芍「親吻聖足」場口勁搶！Honey「繃緊的腳趾」勁有戲爆韋家雄玩腳趾玩得勁開心

點讚

撰文：電視精二師兄

發佈日期：2025-03-11 17:15 更新日期：2025-03-11 17:48

痞子無間道｜何泳芍「親吻聖足」場口勁搶！Honey「繃緊的腳趾」勁有戲爆韋家雄玩腳趾玩得勁開心

《痞子無間道》結局周劇情峰迴路轉，本周第一個爆點，原本是劇集「可愛擔當」的哨牙珍（何泳芍Honey飾），真身竟然是身份尊貴的歌蓮神教聖女，同時亦是奸角屠誅（關偉倫飾）的女兒，昨晚（10日）哨牙珍更揚言要為慘死的父親向費仁（周嘉洛飾）報仇。

延伸閱讀： 痞子無間道劇情線上看｜全25集劇透懶人包！周嘉洛/陳瀅/朱敏瀚/王灝兒尋找失聯間諜

而昨晚最吸睛一幕，是作為歌蓮神教聖女的哨牙珍，遞起腳讓般鬥（韋家雄飾）及山楂餅（唐嘉麟KT飾）親吻的場口；觀乎畫面，Honey伸出腳時、每隻腳趾都表現得相當繃緊，單靠腳趾已成功呈現出「抗拒感」，堪稱腳趾都有戲。而網民對於場口亦大為受落，並搞笑留言：「到底係伸隻腳出嚟嗰位難受啲，但接住隻腳嗰兩位難受啲。」

就此，TVB.COM訪問了其中兩名當事人Honey及KT，Honey坦言場口令她相當尷尬：「一定係我尷啲，就算拍露背嗰場戲，我覺得冇要露隻腳出嚟咁怕醜。我自己平時好少露腳，所以我有為咗呢件事特登去gel甲，等出嚟睇落乾淨啲，同埋配合番阿珍貪靚嘅性格。至於拍嘅時候哩，因為我真係好怕醜，搞到要KT同韋家雄佢哋係咁安慰我，猛讚我隻腳靚，搞到我仲唔好意思。」

Honey續指雖然導演要求她「盡量叉開啲腳趾」，但由於她平時很少這樣做，加上當時有點緊張，故「啲腳趾叉極都叉唔開」，最終要韋家雄出手相救：「佢為咗令我可以叉開到啲腳趾，佢就同我啲腳趾十指緊扣，搞到我係咁瘋狂尖叫。其實我覺得佢哋兩個呢場戲玩得好開心，只係我好難受。」至於KT，則大讚Honey事前清潔腳仔功夫做到足，並透露拍攝時，有真‧錫Honey隻腳：「我有真係錫到落去嘅，監製Andy都讚我夠膽，但如果要好笑，咁梗係要真錫落去啦。」